Annabi Huud:
Reti ɓaawo ɗum, Allah nuli e gorol Aadi ngol, e nokku no wi’ee Ahqaaf, ɓaawo nde ɓe majji ɓe watti rewude ko wanaa Allah. Allah immini e maɓɓe Nulaaɗo jeyaaɗo e maɓɓe (woni Huud) yo o his.
Allah humpitirii en ɗum daalo Makko:
[Men nulii] kadi haa e Aadi en, musiɗɗo maɓɓe on Huud. O maaki : “Ko onon yo yimɓe am, rewee Allah. Reweteeɗo alanaa on ko woori mo. E on hulataa [Mo]?”.
Hooreeɓe mbatu ɓen yedduɓe e yimɓe makko ɓen wi’i : “Menen meɗen yi’e e ɗayre, menen meɗen sikki ko a jeyaaɗo e fenooɓe ɓen”.
O maaki : “Ko onon yo yimɓe am, ɗayre (woo) alaa e am ; ko woni min, ko mi Nulaaɗo immorde ka Jeyɗo Winndere On.
Miɗo yottina e mo’on Nule Joomi am, min (non) ko mi laaɓanɗo on (reedu), hoolniiɗo.
E haawnu on fii waaju no ari on immorde ka Joomi mon e dow gorko jeyaaɗo e mo’on, fii yo o jertin on?! Janntee tuma nde O Waɗunoo on lontiiɓe ɓaawo yimɓe Nuuhu ɓen, O ɓeydi on ka tagu cemmbe. Jantee neemaaji Alla ɗin belajo’o, on malete.
Ɓe wi’i : “E a aru e amen fii yo men rewu Alla tun, men acca kon ko baabiraaɓe amen ɓen rewaynoo?! Awa addan men ko foduɗaa men kon (e lepte) si tawii ko a jeyaaɗo e goognuɓe ɓen.
O maaki : “Gomɗii yanii e mon immorde ka Joomi mon soɓe (lepte) e tikkere. E on wenjay lam fii inɗe ɗe innuɗon onon e baabiraaɓe mo’on, Alla Jippinaali fii majje hujja?! Faditee! Min, wonndude e mo’on, ko mi jeyaaɗo e faditiiɓe ɓen”.
Men daɗndiri mo e ɓen wonnduɓe e makko yurmeende Amen, Men taƴi ɓabbe ɓen fennuɓe Aayeeje Amen ɗen, ɓe laatanooki gomɗimɓe.
[Al-A‘raaf: 65-72].
Allah wurti henndu wulndu e maɓɓe, ndu munci kala huunde e nder balɗe jeeɗiɗi, immorde e yamiroore Jeyɗo ndu On. Allah danndi Huudu e gomɗimɓe wonnduɓe e makko ɓen.
About The Author
