Tʋɩɩsgã

Ad pẽgr be ne Wẽnde, tɩ d pẽgd-A la d kot-A songre la d kot-A yaafa, la d kot Wẽnd gũudum n yi d mensã wẽnga la d tʋʋmã wẽnga, Wẽnd sẽn kãnd a soaba, yẽ la kãndagda, la A sẽn menes-a fo kõn n tol n yẽnd lallda t’a kãndg-a ye, la m maan kaseto tɩ soab sẽn na n tũ n tɩlg ka be rẽnda Wẽnde, la m maan kaset t’a Mohammad yaa A yamb la A tẽn-tʋʋma, Wẽnd na pʋʋs-a la A tɩlg-a wʋsgo.

Rẽ loogre poorẽ:

ad tʋlsem bee wʋsgo rũndã-rũndã ne gafo sẽn welsde, n leb n yaa koεεga, n paεεnd Lɩslaoongã dĩinã la a sẽn gũbgã fãa, zem tɩ yaa sẽn kẽed Loεεgã wεεngẽ, maa Tũudumã, bɩ tʋm-n-taarã, maa zʋgdã, maa zẽng sẽn pa rẽ.

t’ɑ karemdã tõe n tall tags sẽn yaa vẽenega sẽn pid n gũbgi, sẽn kẽed Lɩslaoongã dĩin wεεngẽ, tɩ sẽn kẽeda Lɩslaoongã dĩinã paam tikr zĩiga, sẽn na n karem a bʋʋdã, la a zʋgdã la a saglsã, la a sẽn gɩdgdã, tɩ gãf-kãngã zĩnd sẽn boond-b n tʋgd Wẽndã nusẽ, tɩ b lεεbd-a ne buudã fãa goam, la b kõt-a sẽn sokda Lɩslaoongã dĩinã yell fãa, la kẽed fãa sẽn na n kẽ a pʋgẽ, tɩ paam kãndagre ne rẽ Wẽnd sẽn tʋll n na n kãnd a soaba.tɩ sɩdã lɑ taasgã wãɑg kεdgdbã la menemdbã pɑdemse.

La taoor tɩ d na n ka kẽ gaf-kãngã gʋlgã pʋgẽ, yaa tɩlae tɩ d rɩgl nao-kẽndre, tɩ gʋlsdã tableg ɑ meng ne-a, sẽn na yɩl tɩ raab ningã a sẽn gʋlsd gãf-kãngã yɩ, la d na n togsa sẽn be nao-kẽnd-kãeesã pʋgẽ sẽn watã:

Yaa b bɑll dĩin-kãngã, sẽn tũ ne Alkʋrãanã nasã la nabiyaamã Sunna sẽn yɩlgã, la pa ne ninsaalbã nao-kẽndrã ye, la goam-minimã sẽn tar nao-kẽndr komd-n-tɑɑr lɑ tõog tɩ ned sakã pʋgẽ ye, la rẽ yaa yεl saar yĩnga.

A- Bala sẽn tũ ne Wẽnd goamã wʋmbo la a kelgrã, n fahm a raabã, peegd ned ning Wẽnd sẽn tʋll n na n kãndɑg ɑ soaba, tɩ padang me leb n wãag ne menemda sẽn yaa kokor kεgεng soaba, wala Wẽnd sẽn yeele, A Naam zẽk yã:

(Lɑ ned sẽn yi lɑgm-n-tɑɑrã rãmbẽ sã n bɑo n nɑ n yõk foo sεεgɑ bɩ f reeg-ɑ, hɑl t’ɑ wɑ wʋm Wẽnd goɑmã, rẽ poorẽ bɩ f tɑɑs-ɑ ɑ bɑsm-yɑm-zĩigẽ.)

[Attaooba 6].

Tõeeme me tɩ padangã wãɑgrã la taasgã pa tõe n yi ne ninsaalbã nao-kẽndrã lɑ b goam minimã ye, ning sãoog la zams sẽn kẽed-ɑ pʋgẽ wã.

B-yaa tɩ Wẽnd sagla tõndo ne A dĩinã la wahɩ wã taasgo wala a sẽn sig to-to ningã, lɑ A pa sagl tõnd ne tɩ d nang goam tõnd meng nengẽ sẽn na kãndag nebã ye, n tẽed tɩ tõnd na n taa b sũy wã ne yel-kãngɑ. lɑ yaa bõe tɩ tõnd maan d mens soagl ne bũmb ning b sẽn pa sagl tõnd ne-a, n yaool n basd bũmb ning b sẽn sagl tõnd ne wã?

C-yaa tɩ dĩinɑ boollã nao-kẽndrɑ a taabã, wala d sẽn na n gome n yɑlge sẽn kẽed tɑk-n-tɑɑsã tuungã, lɑ lekr-bã, zem tɩ yaa loεεgã wεεngẽ, maa yaa tũudmã wɑll zʋgdã wεεngẽ, maa yaa bɑoobã wεεngẽ, maa yaa yam-tags-yεlã wεεngẽ, wala a sẽn na n gom sẽn kẽed Wẽnd belmã tablgẽ, -A Naam zẽk yã n yi wẽgdbã sẽn yeel to-to ningã zẽkr tεkẽ, maa gom sẽn kẽed toeeng sẽn be Lingiilã la Taooraat la dĩin-rãmb a taaba gaf-rãmbẽ wã, la ɑ boogrã ne ɑ sãɑngɑ vẽnegre,

Wãndɩ fãa gilli a tõe n yɩɩ kõom zĩiga sẽn na paam n vẽneg sãangã sẽn be zabd-n-taasã tikrã lɑ b loeesã pʋgẽ wã, ɑ leb n tõeeme n yɩ bãngre la minim yalong ne lɩslaamã -n lagem ne a zi-ɑ wã pa namsd-a ye- lɑ ɑd pɑ sõmb t’a yɩ yẽgre la tikr zĩiga tɩ fo tik rẽnda tɩ yɩ yẽgr bool n tʋg Wẽnd nengẽ wã ye.

D-Yaa tɩ neb nins sẽn kẽed Lɩslaoongã pʋgẽ wã, sẽn tũud ne sor ning tõnd sẽn gom tɩ loogã, pa tɩlae tɩ b yɩ lɩslaamb sɩd-sɩd ye, bala b ned ninga tõe n kẽe dĩin-kãnga, tɩ yɑɑ yel ning yell lɑ b gom tɩ yi-ɑ noogo, lɑ tõe tɩ nedã meng pa loe loe sõngo ne yεl a taab sẽn yaa dĩinã zu-rɑɑdo, wala ned sẽn na n maan yel-solemde ne sõmblem ning sẽn be lɩslaoongã nao-kẽndr arzεkã wεεngẽ wã, la nedã yaool n pa kõ sɩda ne Yaoolem raarã ye, maa a pa kõt sɩd ne zĩn-dãmba lɑ sʋɩtãambã belmã ye, lɑ zẽng sẽn wõnd rẽnda.

la wala nin-kãyã buudã , bãmbã sãngã ne Lɩslaoongã n yɩɩda b sẽn nafd-a

H-Yɑɑ tɩ Alkʋrãanã tara võon yõyã la sũyã zugu, rẽnd b sã n lɑk n bɑs Alkʋrãanã ne yõyã sʋka tɩ b tõk tɑɑbɑ, mikdame tɩ yõ-yɩlmã sakda Alkʋrãanã goamã, n dʋ n tɑ sɩd-kũunɑ la Wẽnd zoεεga zĩ-zẽkdg zĩigẽ, lɑ yaa bõe tɩ b gɩt Alkʋrãɑnã ne yõyã sʋkɑ?!

Yaa sẽn na yɩl tɩ tõnd sẽn gom yεl nins tɩ loogã, la dũni wã yεl nins tõnd sẽn ne tɩ kɑ sεgdɑ, ra wa paam n tall kõom zĩigɑ dĩinã paεεlg pʋgẽ ye, pa woto ye, b pʋs n sõmb n paεεla dĩin-kãngã n ball-a wala a sẽn sig to-to ningã, tɩ d yaa d sẽn pʋgd yel-kãng pʋgẽ yẽ mengɑ nɑ-kẽndrã gom ne nebã wεεngẽ, n kẽnd ne-b bilf-bilf tẽeg tɩrgã rʋʋb pʋẽ.

yaa a gũus gʋlsgẽ wã tɩ nao-kẽndrã yɩ yol-yole, n leb n mɑɑ koεεga sẽn-tõe-fãɑ, bʋɩl yĩng tɩ gafã zãabã la a sãeegr nebã sʋka yɩ nana.

D mak tɩ tõnd sɑɑsɑ tʋʋm kãngã, n lebg gãf-kãngã ne goam a taaba, n yiis-a tus kẽemã piiga, t’a wa tʋg n ta wala neb tus kẽemã piig nugẽ, tɩ b kõ sɩd ne bũmb ning sẽn be a pʋgẽ wã, sẽn yaa Aayae-rãmb la hadiis-rãmba, neb koabg pʋgẽ fãa nin-yεng n kõ sɩda, tɩ pis wae la a wae wã kɩflg ne-a n ball n bas-a, tɩ yembrã toglg tõndo n yãgdẽ, n yaεεsdẽ, n dat sɩd-kũun la Wẽnd zoεεga, rẽ yĩnga fo miime m ma-bi wagelle, tɩ ad nin-yεng kãngã sẽn yi neb koabg fãa pʋgẽ wã, rat n na n yeelame tɩ yaa neb tus-koabga n na n kẽ dĩin Lɩslaoongã dĩin pɑgẽ?

La wãnde sik ka be tɩ yaa tʋʋmd sẽn yaa bedr ye, lɑ lak tɩ Wẽnd sã n kãndeg sẽn tũ ne fo sababo nin-yεng tãa, yẽ sõmblem n yɩɩd fo yĩngã neema rũm-mĩidu.

pa woto ye, baa tɩ b sẽn bool neb ninsã ned baa a ye sã n ka kõ sɩda, tɩ b fãɑ gillã ball n yi dĩin-kãngã, mikdame tɩ tõnd kõo bobl ningã b sẽn dogl tõndã, d leb n taasa tẽn-tʋʋmd ningã Wẽnd sẽn tʋk-ɑ tõndã.

ad Wẽnd sorã boondbã zu-loεεgã, pa sẽn na yɩl tɩ dĩin-kãngã tɑ nebã rɑɑb ye, maa- wala Alkʋrãan wɑgllã sẽn togsã- yã-beedã maanego ne b na kãndagã.

(Baa tɩ fo sã n maand yã-beed tɩ b nɑ kãndge, ad Wẽnd pa kãndagd neb sẽn menemd ye)

[Annaẖlʋ(sĩ wã sʋʋrɑ) 37]

La ad bãmb zu-loεεgã yẽgrã, yaa b nabiyaamã -pʋʋsg la tɩlgr be a yĩnga-, zu-loεεgã ɑ Soabã sẽn yeel-a,- A Naam wɑoog n zẽke-:

(tẽn-tʋʋma! Tɑɑs b sẽn sik fo nengẽ wã sẽn yi f Soɑbẽ wã, lɑ f sã n pɑ mɑɑne rẽnd f pɑ tɑɑs A Koεεgã ye. Lɑ Wẽnd n gũud foo n yi nebã. Ad Wẽnd pɑ kãndgd neb sẽn yɑɑ kɩfr-dãmb ye).

[Al-Maa’ɩda (rɩɩb sẽn pid ne lɑɑg sʋʋrɑ) 67].

D kota Wẽnde, -A Naam yɩ wagelle n zẽke- tɩ d fãa gill yɩ n sõngd taaba n taas Wẽnd dĩinã nebã fãa nengẽ, la A leb n maan tõnd tɩ d yaa kʋɩlɩng-biisi ne sẽn sõmb fãa gilli, n yaa boaandb n tʋg-a, n leb n yaa pagdba ne wẽnga, n tɑl sũ-tõog ne ɑ yẽdbã. la Wẽnd n yɩɩd minim, Wẽnd na pʋʋs d nabiyaamã a Mohammad.