J-Tẽn-tʋʋma a Isa -tɩlgr be a yĩnga:

A ʿMɑryɑm sẽn yɑɑ ɑ ɭmraan bi-puglã sẽn yɑɑ pɑ-mi-rɑo wã, sẽn yaa pʋg-yɩlenga, sẽn yɑɑ Wẽn-tũud poɑkɑ sẽn yi Wẽn-tũud pogsã pʋgẽ, sẽn tũud-b Wẽnd saglsã A sẽn sik n kõ A tẽn-tʋʋmbã a Muusa loogr poorẽ, lɑ a ra yɩɩme n yi zak ning Wẽnd sẽn tũus-a bõn-naandsã pʋgẽ wã, wala Wẽnd sẽn yeele, A Naam zẽkame:

(Ad Wẽnd tũusɑ ɑ Adɑm lɑ ɑ Nuuh lɑ ɑ ɭbrɑɑhɩɩm zɑk rãmbɑ lɑ ɑ ɭmrɑɑn zɑk rãmbɑ bõn-nãɑndsã zugu)

[Aal-ɭmraan: 33.]

La Mɑlεk-rãmbã kõo-a la sũ-noogo tɩ Wẽnd tũus-a lɑme.

(Lɑ tẽeg Mɑlεgã sẽn wɑ n yeel a Mɑryɑmã:: ” ɑd Wẽnd tũusɑ foo lɑ A yɩlg foo lɑ A tũus foom n yɩɩs zãmɑɑnã pɑgba.*

Mɑryɑmɑ! Tũ f Soɑbã lɑ f mɑɑn Suguud lɑ Rukuu n lɑgm rukuu mɑɑndbã”)

[Aal-ɭmraan: 42,43]

Rẽ poorẽ tɩ Wẽnd kõ kibare, A Naam yɩlg n zẽke, to-to ning A sẽn naan a Isa a rogsẽ wã tɩ pa tũ ne ba ye, wɑ la sẽn be Wẽnd koεεgã pʋga A Naam zẽkyã:

Lɑ (Tẽeg Gɑfã (Alkʋrãanã) pʋgẽ, a Maryam kɩbɑrã, a sẽn wa n lak n zãɑg a nebã n tees wĩntoog sẽn pukdẽ*

N maan lilli n yi-bɑ, tɩ Tõnd na n tʋms tɩ kẽng a nengẽ ɑ gibrɩɩlɑ t’a maan a meng-a ninsaala sẽn yɑɑ tɩrgɑ*

t’a (Maryam) yeele: ” mam kota gũudum ne Yolsg-nɑɑbã n yi foom tɩ f sã n zoeta Wẽnde”*

T’a yeele: “ad mam yaa fo Soabã tẽn-tʋʋma n na n wa kõ foo bi-yɩlenga”*

T’a yeele:” mam na tɑllɑ biig wãn-wãnɑ tɩ ned pa fur maam m leb n pa yɩ n yɑɑ yood me?*

T’a yeele: “sɩd yaa poto! Lɑ fo Soaba yeelɑme: ” tɩ ɑd ɑ yaa yol-yol ne Maam la sẽn na yɩl me tɩ D maan foom tɩ yaa yel-solemd ne nebã la yolsgo sẽn yi Tõnd negẽ n kõ nebã, lɑ yɩɩme n yaa tʋʋm sẽn tʋm n sε*

T’a rɩk ɑ (biigã) pʋgã n kẽng ne-ɑ zĩig sẽn zãre.*

tɩ rogmã zabdem tɑll-ɑ n kẽng Tɑmɑr-tɩ-gioogẽ, t’ɑ yeele: ” kɑto! Mam sã n da kiiẽ taoor tɩ wã nɑ pɑ wɑ,n dɑ lebg yell b sẽn yĩm pɑ são!”*

T’a bool-a ɑ tẽngrẽ wã [n yeele:] “ra sãam f sũur ye. Ad fo Soabã maana ko-sor fo tẽngrã.*

Miim Tɑmɑr-tɩɩgã yẽgrã tɩ tamarʋ maas n na n dʋʋg fo nengẽ tɩ yaa sẽn wob pɑɑlem.*

Bɩ f rɩ la f yũ la maag f sũuri, lɑ fo sã n yã ninɑ t’ɑ sok foo biigã wεngẽ, bɩ f yeel-a ad mam pʋlma Yolsg naabã tɩ m nɑɑ sĩndɑme, rẽnd mam pa na n gomd ne ned fãɑ rũndɑ ye.*

T’ɑ tall-a (biigã) n kẽng a nebẽ wã, tɩ b yeel-a:” Mɑryɑm ad fo wa ne yell sẽn yaa zĩr-be kɑsenga.*

A Harʋʋn tao-poaka fo saambã pa yɩ nin-wẽng ye, fo ma wã me pa yɩ yood poak ye.*

T’a tees-a [biiga] la b yeel yã: “tõnd nɑ n gomɑ wãn-wãn ne biig sẽn be zẽgsẽ?*

La a [biigã] yeele: ” ad mam yaa Wẽnd yamba, A kõo maam Gafã la A leb n maan maam tɩ m yaa nabiyaama,*

La A maan maam tɩ mam tar barka mam sẽn be zĩig ning fãa, la A sagl maam ne pʋʋsg la zaka tɩ mam sã n ket n yɑɑ vɩta.*

n yɑɑ mɑnegd ne m mɑ wã, A ka maan maam tɩ m yaa waoog-n-meng soabɑ n yaa zu-be-ned ye*

Lɑ tɩlgr be ne maam m rogem raare, la m kũum raare la raar ninga b sẽn na n vʋʋg-ma yikr raarã*

F sẽn sɩf woto Wã la a Isa sẽn yaa a Maryam biigã, wãnde lɑ sɩd koεεg ning yãmb sẽn maan sikã.*

Pa sõmb ne Wẽnd t’A tall biig ye, yɩlgem be ne-A, A sã n wa bʋ yelle, A yet-a lame tɑ : “yɩ!” t’a tar yɩɩbo.*

lɑ ɑd yaa Wẽnd la mam Soabã n leb n yaa yãmb Soabã, bɩ y tũ-A, tɩ woto la sor-tɩrga.)

[Maryam 16-36].

La wakat ninga a Isa sẽn wa n bool nebã n tʋg Wẽnd tũudmã, sẽn sakbã sakame, la nebã wʋsg fãa tõdga boollã, la a kellame n kẽng a boollã pʋgẽ, n boond nebã n tʋgd Wẽnd tũuddum, la ad wʋsg fãa kɩfla ne-ɑ n maan-a beem, b põs n rõd-a la ne nebã, n mams n na n kʋ-a!. Tɩ Wẽnd yeel-ɑ, A Naam zẽkame:

(ɭɩsɑ: ” ɑd Mɑm nɑ n gãdɑ foo n zẽk-fo n tʋg M nengẽ lɑ M yɩlg-fo n yi neb nins sẽn kɩflbã lɑ M mɑɑn sẽn pʋg-b foo wã sẽn kɩflbã zugu)

[Aal-ɭmraan: 55.]

Tɩ Wẽnd na n rɩk a wõnegã n lob neb nins sẽn rɩgd-a wã yembr zugu, tɩ b yõk yẽnda n tẽed tɩ yaa a Isa a Maryam biiga- tɩlgr be a yĩnga- tɩ b kʋ-a n sẽb-a. La sã n yɑɑ a Isa sẽn yaa a Maryam biigã sẽn yaa tẽn-tʋʋmã, Wẽnd zẽka yẽnda n tʋg A nengẽ. La taoor t’a na n ka yi dũni wã, a kõo a pʋgbã kiba-noogo, tɩ Wẽnd na n tʋmsa Tẽn-tʋʋma a to, t’a yʋʋrã la Ahmad, Wẽnd na n sẽega dĩinã ne-a. A yeelame A Naam zẽkame:

(La a Maryam biiga a Isa sẽn wa n yeele! “Yaa yãmb a ɭsraa-ɩɩl koamba! Ad mam yaa Wẽnd tẽn-tʋʋma n wa yãmb nengẽ, n yaa sɩdgda ne bũmb ning sẽn reng mam taoore n yaa Taooraat, n leb n yaa sũ-noogd ne Tẽn-tʋʋma sẽn wat mam poorẽ t’a yʋʋr la a Ahmad”)

[Aṣṣaf: 6].

Rẽ poorẽ tɩ wakat looge, t’a Isa pʋgdbã weele, tɩ neb yi b pʋgẽ n maan n zʋʋg a Isa yellã pʋgẽ, n yẽgmdẽ t’a Isa yaa Wẽnd biiga. -Ad Wẽnd zẽkame n yi bãmba sẽn yetã zẽkr tεkẽ-, la bũmb ning sẽn kɩt tɩ b yeel woto wã yaa tɩ b yãame t’a Isa rogame tɩ pa tũ ne ba ye. Tɩ Wẽnd na n kõ kibar ne rẽnda, ne A sẽn yeele:

(Ad a ɭɩsɑ bilgri Wẽnd nengẽ yɑɑ wɑlɑ ɑ Aɑdɑm bilgri, A nɑɑn-ɑ lɑme ne tom, rẽ poorẽ t’A yeel-ɑ:” yɩ!”. T’ɑ be yɩɩbẽ)

[Aal-ɭmraan: 59.]

Rẽnd a Isa naanegã tɩ pa tũ ne ba wã pa yel-solemd n yɩɩd a Adam naanegã tɩ pa tũ na ba la ma wã ye.

La rẽ yĩng n kɩt tɩ Wẽnd gom ne ɭsraεεl koambã Alkʋrãanã pʋgẽ, bʋɩl yĩng tɩ b na zãag n yi kɩfẽnd kãngã, ne A sẽn yeele A nɑɑm zẽkyã :

(Yãmb ɑ Gafã rãmba! ra-y n zʋʋg-y toaag y dĩinã pʋgẽ ye, la y ra yeel Wẽnd zugẽ rẽndã sɩda, ad Sɩɩs-tɩ-maag a ɭɩsa sẽn yaa a Maryam biigã, yaa Wẽnd tẽn-tʋʋma la A Gomde t’A kõ a Maryam, la Vʋʋsg sẽn yi Wẽnd nengẽ, bɩ y kõ sɩd ne Wẽnde la A Tẽn-tʋʋmbã, la y ra yeel :” tãab ye”. Bas-y tɩ rẽ n são ne-yã, ad Wẽnd yaa Soab Yεng, A yɩlgame ne A na n wa tar biiga, A soo sẽn be saasẽ la sẽn be tẽngẽ, la bobend ta tεk ne Wẽnde.*

ad Sɩɩs-tɩ-maag pa na n zẽk a meng lae, ne a na yɩ Wẽnd yamb ye, pa malεgs nins b sẽn pẽneg b rãmb ne Wẽndã, la sẽn zẽk a menga n yi A tũudmã, n waoog a menga, A na n tigma b fãa gill n tʋg A nengẽ.*

la sã n yaa sẽn kõ-b sɩdã la b tʋm sõmã wã, A na n pidsa bãmb b keoorã, la A paas-b A kũunã, la sã n yaa sẽn zẽk-b mensã la b waoog b mensã;, A na n sɩbgb-b lame namsg sẽn zabde, b pa na n paam b yĩnga zẽng sẽn pa Wẽnde, lallda, pa sõngda!)

[Annisaa’ʋ 171-173].

La Wẽnd na n goma ne a Isa dũni-Yikr-raarã, ne A koεεg sẽn yeele:

(La tẽeg Wẽnd sẽn yeele: ” ʿɭɩusa a Maryam biiga! fo n yeel nebã: ” rɩk-y maam ne m ma wã tɩ yaa soab-rãmb a yiibu zẽng sẽn pa Wẽnde?”. T’a yeele: ” Fo Naam yɩlgame, pa sõmb ne maam tɩ m yeele m sẽn pa tar sor ne bũmb ning ye, mam sã n yeel-a lame, sɩda Fo miime, Fo mii sẽn be mam nengẽ, la m pa mi sẽn be Fo nengẽ ye, ad Foo la yel-soonde Mita,*

mam pa yeel-ba, rẽnda Fo sẽn sagl maam ne bũmb ningã: tɩ tũ-y Wẽnde maam ne yãmb Soabã, la mam ra yaa kaset maand b zugu, m sẽn da be b pʋgẽ wã, la Fo sẽn wa n sɑɑs mɑm wɑkɑtã, Fo n yaa gũusd b zugu, la Fo yaa sεεt ne bũmbã fãa,*

Fo sã n nams-ba, b yaa Fo yembse, la F sã n yaaf-ba, ad Foo la Winda n yaa bʋʋd Mita”.*

Wẽnd yeelame: ” wãnde yaa raare sɩd rãmb sɩd sẽn nafd-ba, b tara arzãn-rãmbɑ ko-sood sẽn zoet b tẽngre tɩ b yaa paadb b pʋgẽ lae-lae, Wẽnd yard bee b yĩnga tɩ b yar-A, ad wãnde la pʋɩ-kãsẽnga”.)

[Al-Maa’ɩda 116-119].

Rẽ n kite, t’a Sɩɩs-tɩ-maag a Maryam biig a Isa zaagɑme n yi neb tus kẽems kãensã sẽn boond b mens tɩ bãmb yaa Kirist-nebã, lɑ b loe n tẽeda tɩ ad bãmb yaa a Sɩɩs-tɩmaag pʋgdba.

About The Author