I-Tẽn-tʋʋm a ɭbraahɩɩm -tɩlgr be a yĩnga-:
Rẽ poorẽ, Wẽnd tʋmsa a ɭbraahɩɩm -tɩlgr be ɑ yĩngɑ- n tʋg a nebẽ wã, b sẽn menem la b tũ ãdse la rʋbs poorẽ, Wẽnd yeelame, A Naam zẽkame:
Ad Tõnd ra kõ a ɭbraahɩɩm a kãndagrã, wãndã taoore, la D ra yɩɩme n mi a yalẽ wã.*
A sẽn wa n yeel a ba wã la a nebã:” yaa bõe nin-naands la yãmb sẽn põg ne b tũudumã?”*
La b yeele: ” tõnd mika d saam-rãmbã tɩ b tũud-ba” *
La a yeele:” ad yãmb la y saam-rãmbã ra bee meneng sẽn vẽneg pʋga”.*
La b yeele:” fo waa tõnd nengẽ ne sɩdã bɩ fo reemdame?”*
La a yeele:”pa woto ye, yãmb Soabã yaa saasã la tẽngã Soabã, ning sẽn yẽbg-bã, la mam yaa kaset soab ne rẽndɑ.*
Lɑ ne Wẽnde m na n rabsɑ yãmb rʋbsã y sẽn watẽ n lɑeg n loog poorẽ.*
Ta a pãb-b n sãeege la a bas (rʋb) kãsẽngã tɩ raar ninga b na leb a nengẽ (n soke).*
La b yeel yã:” ãnd n maan woto ne tõnd soab-rãmbã? Ad ɑ yaa wẽgda.*
La (kẽer) yeelyã: “tõnd ra wʋma ra-sãng sẽn da zɑnged-b (rʋbsã), b boond-a-lame t’a ɭbraahɩɩma”.*
La b yeel tɩ :” tall-y-yã n wa nebã ninẽ, tɩ raar ninga b na maan kaseto.*
La b yeel yã: ” rẽ yĩnga foom n maan woto ne tõnd soab-rãmbã ɑ ɭbraahɩɩma?”*
La a yeele: “ka woto ye, ad yaa b kãsmã la sẽn maan-ba, bɩ y sok-y-b n gese tɩ b sã n gomdame”.*
La b leb b mensẽ wã n yeele: “ad yãmb lɑ wẽg-m-mens-rãmbã.*
Rẽ poorẽ la b sulg b zut n yeele:” fo miime tɩ bãmbã pa yɑɑgd b noy ye”.*
La a yeel yã:”rẽ yĩnga yãmb tũuda zẽng sẽn pa Wẽnde, bũmb tũudum sẽn pa nafd yãmb bɑɑ fʋɩ, lɑ ɑ pa nɑmsd-y me? *
midg be ne yãmb la y sẽn tũud bũmb nins zẽng sẽn pa Wẽndã, yãmb pa tagsd la?” *
b yeel yã:” yõog-y-yã n sõng y soab-rãmbã, sã n mikame tɩ y na n maanbɑ (bũmb ninga)”.*
La Tõnd yeel yã:” yaa foom bugum, yɩ maasga la tɩlgre a ɭbraahɩɩm zugu” *
la b tʋll-a la ne wẽnga, tɩ Tõnd maan bãmba tɩ b yɩ bõnã-rãmbã)
[Al-Anbiyaa’ʋ 50-70]
Rẽ poorẽ, a ɭbraahɩɩm yikame, yẽ ne a biig a ɭsmaa’ʿɩɩl n yi Palestiin n tʋg Maka, tɩ Wẽnd sagl-a la a biig a ɭsmaa’ʿɩɩl tɩ b me Mak Rppgã sẽn yaa ro-zɩsgã, la a bool nebã n tʋg Hagiimdu Roogẽ wã, la b tũ Wẽnd Roogẽ wã.
(Lɑ Tõnd sɑglɑ ɑ ɭbrɑɑhɩɩm ne ɑ ɭssmɑɑɩɩlɑ tɩ : “yɩlg-y M Roogã gilgdbã lɑ wũgdbã lɑ pʋʋsdbã yingɑ”.)
[Albaƙara: 125].
J-Tẽn-tʋʋma a Lʋʋṭ-tɩlgr be a yĩnga-:
Rẽ poorẽ Wẽnd tʋmsa a Lʋʋṭ n tʋg a nebẽ wã, b ra yɩɩme n yaa nin-wẽnse n tũud zẽng sẽn pa Wẽnde, la b maand yel-beedo bãmb ne taab sʋka, Wẽnd yeelame, A Naam zẽkame:
(Lɑ f tẽeg Tõnd sẽn tʋm ɑ Lʋʋṭ, ɑ sẽn wɑ n yeel ɑ nebã: ” yãmb tʋmdɑ yel-wẽn-kãngã ned bɑ ɑ ye sẽn kɑ reng yãmb n tʋm ɑ bʋud bõn-nɑɑnsã pʋgẽ ye*
Ad yãmb yellã! Yãmb wɑtɑ roɑpẽ ne wʋm-noogo n bɑsd pɑgbã, ɑ yoo, yãmb yɑɑ neb sẽn yɑɑ mɑn-n-zʋʋg-rãmbɑ*
Lɑ ɑ nebã kɑ tɑll loekr sã n kɑ b sẽn yeele: ” yiisi-y-bɑ y tẽngẽ wã, ɑd b yɑɑ neb sẽn bɑood yɩlgre”.)
[Al-A’ ̌ raaf 80-82].
Tɩ Wẽnd tɩlg-a ne a zakɑ-rãmba, rẽnda a pagã bala, yẽ rag n yɩɩme n yaa kɩfre, ne Wẽnd sẽn sagl-a t’a yi tẽngẽ wã yʋngo, yẽnda ne a nebã, la Wẽnd yellã sẽn wa n wa wã, Wẽnd maana tẽngã yĩngrã tɩ lebg tẽngre, la A kɩt tɩ ni a zugu sẽn yaa kug-wʋmdɩ sẽn tũnugd taaba.
About The Author
