C-Tuub n yi yel nins b sẽn gɩdgã
Zunuub bεd kãensã la yel kiti wã, tõnd sẽn togsã, yaa tɩlae ne lɩslaama t’a gũus gũusg tεkẽ, n da lʋɩ b pʋgẽ ye, bala tʋʋm fãa Adam biig sẽn maande, b na n rol-a lame dũni Yikr raare, sã n yaa neere, yaa neere, la sã n yaa wẽnga, yaa wẽnga.
Rẽnd lɩslaam sã n lʋɩ bũmb pʋgẽ, sẽn yi yel kɩts-kãensã, bɩ a yãg n tuub n yi-ba, la a lebs a meng Wẽnd nengẽ, la a bao yaafo A nengẽ. Rẽnd sã n mikame t’a tuubgã yaa sɩda, bɩ a võog a menga n yi zunuub ningã a sẽn lʋɩ wã pʋgẽ, la a maan nims a sẽn tʋm tɩ loogã, la a loe n wãag t’a ka na n le lebg n wa ne a buud ye. La sã n mikame tɩ yaa wẽgd pʋg la a lʋɩ ne neda, bɩ a lebs-a maa a kos a soabã t’a yaaf-a, wakat kãngã, tuubgã lebgda tuubg sɩd-sɩda, tɩ Wẽnd reeg a tuubgã, A ka namsd-a, A ka sɩbgd-a a poorẽ ye, ned ning sẽn tuuba n yi beegre, yaa wala ned sẽn ka tar beem ye.
La bee a zugu, t’a kos Wẽnd yaafa wʋsgo, pʋs n sõmba ne lɩslaam fãa t’a wʋsg yaafã wã kosgo, n yi bũmb ninga sẽn paamd-a, sẽn yaa tudg bãanego maa bεda, Wẽnd yeelame, A Naam zẽkame:
(Kos-y yaafa ne y Soabã, ad Yẽnda yɩɩme n yaa yaafa Naaba.)
[Nuuh 10],
Rẽnd yaafã wã kosg wʋsgrã la lebs-m-meng Wẽnd nengẽ wã, yaa (muumin-rãmbã) sɩd-kõtbã sɩfo, sẽn yaa b sẽn welg-b rãmbã, Wẽnd yeelame, A Naam zẽkame:
(yeele: “yaa mam yembs nins sẽn maan n zʋʋg b mens zugã, ra n wãag-y tẽeb ne Wẽnd yolsga ye, ad Wẽnd yaafda zunuubã zãnga, ad Yẽnda la yaafg Naaba n yaa yolsda”.*
la y lebg n tʋg y Soabã nengẽ, la y sak n tũ-A, taoor tɩ nongã na n pa wa yãmb nengẽ ye, rẽ poorẽ b pa sõngd-y ye.)
[Azzʋmar 53, 54],
About The Author
