B-yaa bõe yĩng la Wẽnd sẽn naan tõndã?

Sok kãsẽng-kãngã lekre, a yaa bũmb sẽn pak wʋsgo, la sõmbame t’a loekrã tik Wẽnd wahɩ wã, Wẽnd sẽn tʋm tɩ wa A tẽn-tʋʋmbẽ wã, bala yaa Wẽnd n naan tõndo, la Yẽ n kõt tõnd kibare, A sẽn naan tõnd bũmb ning yĩngã, Wẽnd yeelame -A yell yɩ bedre-:

(Mam ka naan zĩn-dãmbã la nĩnsaalbã rẽnda Mam tũudem yĩnga )

[Azzaarɩyaat 56]

Rẽnd tũudumã, yaa yẽnda la sɩf ning sẽn tigim Wẽnd bõn-naandsã gilli sẽn ka tar sõorã, sẽn na n sɩng Wẽnd bõn-naands sẽn tʋg n yaa zɩsg n yɩɩdã (Malεk-rãmb) n tʋg n tãag zẽng sẽn pa bãmba, sẽn yɑɑ Wẽnd nɑɑngã yel-soalm-dãmbã, bõn-naan-kãensã fãa gillã, b kell n naan-b lame tɩ b yalẽ wã yaa Wẽnd tũudum la Wẽnd yɩlgre, sẽn yaa bõn-naandsã fãa Soɑbã.

(Sãasã la tẽngã la sẽn be b sʋka yɩlgda A yʋʋrã, bũmb pa be rẽndame t’a yɩlgd A yʋʋrã ne A pẽgre, la yãmb pa mi b yɩlgd to-to ye)

[Al-ɩsraa’ʋ 44]

la Malεk-rãmbã, B ningda bãmb me yamẽ Wẽnd yɩlgrã, wa A sẽn ning vʋʋsem la yõore n kõ ninsaalbã.

La d na n mikame tɩ ninsaal tũudumã ne a naandã, yaa yam-yãkre, ka bũmb sẽn yaa modgr ye (yaa yam-yãkre, yaa yam-yãkre)

(Yẽ la Soab ning sẽn naan yãmbã tɩ kɩfr be yãmb pʋgẽ, sɩd-kõt me be yãmb pʋgẽ, la Wẽnde, yãmb sẽn tʋm bũmb ningã A yaa nẽta.)

[Attagaabʋn 2].

(Rẽ yĩnga fo pa yã tɩ bũmb nins sẽn be saasẽ wã la tẽngẽ wã, la wĩntoogã la kiuugã la ãdsã la tãeensã la tɩɩsã la rũmsã (bõn-yãnemdse) la nebã sẽn waoog fãa, b maanda Wẽnd suguudu? La nangã sɩdgɑ neb wʋsg zugu, la ned ning Wẽnd sẽn faage, a ka tõe n paam waoogd ye)

[Alhag: 18]

Rẽnd Wẽnd naana tõndo A tũudumã yĩnga, la A na n leb n zarb n ges tõnd sẽn na n tõog n maan tũud-kãngã to-to, rẽnd sẽn tũ a Wẽnde, la a yɩ A nonglem, la a gãneg a meng ne-A, n pʋg A saglsã, la a zãag A gɩdgrã, a paamda Wẽnd yarda, la A yolsgo la A nonglem, la A rol-a rolb sẽn be neere,

la ned ning sẽn tõdga Wẽnd tũudumã, Naab ning sẽn naana yẽnda, n rɩlg-a wã, n waoog a meng n yi tũudumã, la a tõdg sak-n-pʋg Wẽnd saglsã la a zãag A gɩdgrã, yẽ soaba, sɩda a paama zabre, la gẽega la namsg sẽn zabde. Balaɑ Wẽnde, A Naam yɩ wagell n zẽke, A pa naan tõnd reem yĩng ye, A ka na n bas tõnd zaalem me ye, la ad nebã sẽn yɩɩd zɩɩlem la sẽn yɩɩd ne yalemdo, yaa ned ning sẽn tẽeda tɩ yẽ waa dũni-kãngã pʋgẽ, tɩ b kõ-a tʋba, la nini, la yam, rẽ poorẽ t’a vɩɩm vɩ-kãngã pʋgẽ wakɑt sõor n wa tɩ ki, n pa miẽ yaa bõe yĩng la yẽ wa dũni wã, la yaa yε me la a na n kẽng vɩɩma poorẽ, Wẽnde yetame, A Naam yɩ wagall n zẽke:

(Rẽ yĩnga yãmb tẽedame tɩ Tõnd naana yãmb zaalem (wɩsga) yĩngɑ lɑ y ka na n lebg n tʋg Tõnd nengẽ?”)

[Almuuminuun 115]

La pa zem taab wẽnd nengẽ, ned ning sẽn yaa sɩdkõt ne Wẽnde, n bobl a meng ne-A, n bʋʋd ne A Sarĩ wã, la a nong-A n gãneg a meng me-A, n baood pẽnegr ne-A ne tũud-rãmba, la a baood bũmb ning sẽn na n yar-A zĩig fãa, ne ned ning sẽn maanda sõmb-zɩɩlem ne Naab ning sẽn naana yẽ n nags-a wã, la a yagsd ne A Ayae-rãmbã la A dĩinã la a tõdg a na gãneg a meng ne A sagellã.

Rẽnd rẽenem soabã, yẽ na n paama waoogre la yel-sõmde, la nonglem la yarda. La yembrã, yẽnda yaa gẽega, la kisgri, la nango n na n paam yẽnda.

Bala Wẽnd na n yika nebã b kũumã porẽ, n yi b yaadẽ wã, n rol manegda nebã pʋgẽ ne neema la waoogre sẽn yaa arzãn noogã pʋgẽ, la A sɩbg wẽngda, sẽn yaa waoog-m-meng-soab n yaa tõata ne Wẽnd tũudumã, A na n rola yẽ soaba ne namsgo Bugmã zakẽ.

La fo tõeeme n tags n ges waoogrã zɩslem la rolbã ne manegdã, fo sã n wa mik tɩ rolb-kãngã la waoog-kãnga yaa sẽn yi Wẽnd nengẽ, Sek-m-meng-Soabã, sẽn yaa Kõtã, A kũunã la A yolsgã pa tar tεk ye, A bao wã me pa tar saabo, ad rol-kãngã, a na zẽkɑme arzãn pʋgẽ, sẽn pa sεte, pa gobgde. (La wãnde la tõnd sẽn na n gom sẽn watã)

La woto yεsa, fo leb n tõeeme n tags n gese, zabdmã la sɩbgrã sẽn na n yɩ to-to ninga ne kɩfre, nangã sẽn wat n na n yi Wẽnd nengẽ sẽn yaa modgr naabã, n yaa zɩslem Naabã, sẽn yaa waoog-m-meng Soɑbã Naab ning modgr sẽn pa tar tεkã.

About The Author