B-Tẽn-tʋʋmbã rẽenem soaba yaa tõnd saamba a Adam tɩlgr be a yĩnga:
Wẽnd naana tõnd ba a Adama -tɩlgr be a yĩnga- ne tãndo, rẽ poorẽ t’a fʋʋs a pʋgẽ sẽn yaa A vʋʋsem, Wẽnd yeelame, A Naam yɩ wagall n zẽke:
(Ad Tõnd naana yãmbɑ, rẽ poorẽ tɩ D mɑɑn yãmba, rẽ poorẽ tɩ D yeel Malεk-rãmba: “maan-y a Adam suguudu”. Tɩ b fãa tiuul rẽnda a ɭblɩɩs n tõdge, n pa naag suguud maandbẽ wã.*
La Wẽnd yeelyã: “yaa bõe n gɩdg foom tɩ f maan suguudu M sẽn wa n sagl foomã”? La a yeelyã: “maam n são-a, Fo naana maam ne bugum n naan yẽnda ne tãndo”.*
La Wẽnd yeelyã: “sig beenẽ, pa sõmb ne foom tɩ f maan waoog-m-meng beene ye, yi beene tɩ fo yaa yaalga”.*
la a (ɭblɩɩs) yeele: “yaoolg maam n tɩ tãag Yikr raarã.*
Tɩ [Wẽnd] yeele: ” ad fo naaga b sẽn na n koll rãmbã.)
[Al-Aʿraaf 10-15]
Rẽnd a kosa Wẽnde, t’A yaoolg-a, la A ra yãg ne a namsg ye, la A kõ-a sore t’a kedgs a Adam la a koambã, sũ-kiir la gẽeg ne-ba, tɩ Wẽnd kõ-a sore ne minim-kãsẽngã A sẽn tʋll yĩngɑ, t’a sʋɩtãan tõe n kedg a Adam ne a koambã, sã n pa Wẽnd yembs nins sẽn yaa yɩlg-m-mens-rãmbã. La A sagl a Adam ne ɑ koambã tɩ ra tũ a sʋɩtãan ye, la b ra sak n pʋg a kedgrã ye la b kos gũudum ne Wẽnde n yi-a. la rẽenem kedgr sẽn yi a sʋɩtãan nengẽ sɩngɑ ne a Adam lɑ a paga a Hawa (Wẽnd sẽn naan-ɑ ne a Adam sĩif kõbrã), toagsg ning pʋgẽ Wẽnd sẽn togs-a, A Naam yɩlgyã:
(Yaa foom a Adama, kẽ arzãnã foom ne f pagã la y rɩ a pʋgẽ yãmb sẽn rat fãa, la y ra kolg tɩ-kãngã n wa lebg wẽg-m-mens rãmb ye”.*
T’a Sʋɩtãan liib b yiibã tɩ b yiibã yãnã nɑ n vẽneg tɩ b yã, la a (Sʋɩtãan) yeele: ” ad yãmb Soabã pa gɩdg yãmb tɩ-kãngã rɩɩbo, rẽndame tɩ yaa sẽn na yɩl tɩ y ra wɑ yɩ Malεk-rãmbɑ maa y ra yɩ paadbɑ”.*
La a wẽen (n yeele) b yiibã “ad mam yaa pʋ-peelem soaba ne yãmb y yiibã”.*
T’a Sʋɩtãan pẽneg n belg-ba, la wakat ning b sẽn lem tɩɩgã billã la b yãnã sẽn pãrg n bas-ba, tɩ b lebg n tõsd arzãnã vãado n lut b yãnã, tɩ b Soabã na n bool-ba : ” Mam ka gɩdg yãmb n yi tɩ-kãngã, M pa yeel yãmb t’a Sʋɩtãan yaa yãmb y yiibã bε?”.*
La b yiibã yeele: ” yaa d Soaba, ad tõnd wẽga d mense, la tɩ Fo sã n ka yaaf tõndo la F yols tõnd, d naɑ n yɩɩ bõn-rãmba”.*
Tɩ Wẽnd yeele: “sig-y-yã, yãmb ne taab na n yɩɩ beem, y tara Tẽngã pʋgẽ tablg zĩiga la wʋm-noogo n tɩ tãag wakat sẽn yãk toɑɑgɑ”.*
La Wẽnd yeelyã: ” y vɩɩm zĩig na n yɩɩ beene (tẽng zugu), la y kũum zĩiga me yɑɑ be, la be lɑ b nɑ n yiis-yã”.*
Yaa yãmb a Adam koamba! Tõnd sika fut n kõ yãmba, sẽn lut yãmb yãnã la faas-teedo. La Wẽn-zεεog fut n yɩɩde, la ad woto yaa sẽn yi Wẽnd tagmasã pʋgẽ, sẽn na yɩlẽ tɩ b tẽegdẽ.*
Yaa yãmb a Adam koamba! A Sʋɩtãan ra wa zarb yãmba, wala a sẽn da yiis y rogdb a yiibã arzãnẽ wã ye, n pidg b futã n bas-ba, n na n wĩnig b yiibã b yãnã. Ad yẽ la a buudã nee yãmba, zĩig ning yãmb sẽn pa ne-ba. Ad Tõnd maana Sʋɩtãambã tɩ b yaa lall-n-taase ne neb nins sẽn pa kõt sɩda.*
[Al-Aʿraaf 19-27]
la a Adam sẽn sig tẽnga zug poorẽ, n rog koambã, a maana kaalem -tɩlgr be a yĩnga- rẽ poorẽ t’a koambã wʋsge, rẽ poorẽ tɩ zãma wɑ wa, t’a sʋɩtãan kedsgã paam-ba tɩ gõdgr kẽ b pʋgẽ wã, la nin-sõmbs yaad tũubu sẽn yi b ba-rãmbẽ tɩ b kedg n yi sɩd-kũunẽ wã n na n tʋg lagem-n-taare, tɩ Wẽnd na n tʋms tẽn-tʋʋm b nengẽ, sẽn yi bãmb pʋgẽ, yẽnda la a (Nuuh -tɩlgr be a yĩnga).
About The Author
