2- A Mʋhammad yaa Wẽnd tẽntʋʋma:
Kõ sɩda ne a Mʋhammad -Wẽnd pʋʋsg la a tɩlgr be a yĩnga- tẽn-tʋmdã, Yẽnda la zeng-raoog ɑ yiib n soɑbɑ, nins sẽn yaa yẽgã, sẽn yi Lɩslaoongẽ zeng-raadẽ wã, sẽn yaa yẽgr ningã Lɩslaoongã meoong sẽn yikd a soab zugã.
tɩ ned lebgd more a sẽn yet t’a maana kaset ne b yiibẽ poorẽ, rẽnd a maanda kaseto tɩ soab sẽn na n tũ n tɩlg ka be ye, la a leb n maan kaset t’a Mʋhammad yaa Wẽnd tẽn-tʋʋma.
A- la tẽn-tʋʋmd võor ya bõe? La ãnd la a Mʋhammade, la rẽ yĩnga tẽn-tʋʋmb a taab n be sẽn pa yẽnda?
Wẽnde la tõnd sẽn na n mɑmse n leok seb-nens kãensã pʋgẽ
Tẽn-tʋʋmã yaa rawa sẽn be zĩ-zẽkd zĩigẽ sɩd wεεngẽ ma zʋgdẽ, Wẽnd tũusd-a la nebã pʋgẽ n tʋm tɩ kẽng a nengẽ A sẽn rat bũmb ninga sẽn yaa dĩinã saglse maa yaa yel-soondɩ, la A sagl-a t’a taas a nebã. Rẽnd tẽn-tʋʋma a yaa yĩng-soaba, wala nebã fãa sẽn yaa a soabã, a rɩta wala b sẽn rɩtã, la a yũud wala b sẽn yũudã, la a tar tʋlsem ne ninsaalbã sẽn tar tʋlsem ninsã, la ad a welga bãmba ne tʋmb ning sẽn wata a nengẽ wã, tɩ Wẽnd lɩkd n wĩnigd-a A sẽn tʋll bũmb ninga sẽn yaa yel-soaandɩ la dĩinã yel-sagendɩ, a sẽn na n rɩk n taas nebã. A leb welgame ne nebã ne Wẽnd sẽn gũ-a t’a pa tõe n tʋm zũnuub bεda, maa tʋʋm buud fãa sẽn tõe n keoos Wẽnd tẽn-tʋmdã taasgo nebã nengẽ.
la d na n togsa tẽn-tʋʋmbã sãnd sẽn reng taoor t’a Mʋhammad na n ka wa wã kibaya, sẽn na yɩl n vẽneg ne tõnd tɩ tẽn-tʋʋmbã tẽn-tʋmdã yaa a yembre, yẽ me la bool n tʋg Wẽnd tũudumã A Yembre, la d na n sɩnga d sẽn na n paεεlg ninsaalbã sɩngrã kibarã togsgo, la a sʋɩtãan sẽn na n maan beem ne ninsaalbã saamba a Adam la a koambã.
About The Author
