Ko fii honɗum Allah tagiri en?

Jaabagol ngal lamndal mawngal, hino himmi haa haa hatti. Ko woni tun, ko maa jaabawol ngol immora ka wahayu Allah. Tawde ko Kanko Allah tagi en, ko Kanko kadi humpitata en ko O tagiri en kon. O daali:

“Mi tagiraali jinna e yimɓe, si wanaa fii yo ɓe rew am”.

[Adh-Dhaariyaat: 56].

Jeyugol ngol, ko sifja denndido tagaade den fof,ngu limoowo (e Malaa’ika en) moftataa m. tagu Makko goo haawniigu ngu Allah tagi. Allah tagir ɗen mofte fow e njuɓɓudi nguurndam majji, hoore jeyal e seningol Mo Kanko Allah jeyɗo winndere nden.

Kammuuli ɗin jeeɗiɗi e leydi ndin e ɓen wonuɓe e majji no subhjinanoo Mo, alaa e huunde nde alaa subbunhinoraade yettugol Mo, ko woni tun, on faamataa subunhinaali majji ɗin.

[Al-Israa: 44].

Malaa’ika en no ñuñcora subbunhingol, wano neɗɗo ñuncorta foofaango.

Konoi tun, dewgol mjaccudo taguɗo On, ko suɓagol ɗum, wanaa doolee.

Ko Kanko tagi on : hino e mo’on yedduɓe, hino e mo’on gomɗimɓe. Allah non no reeni ko golloton kon.

[At-Taghaabun: 2].

E a yi’aali wonndem Allah, hino sujjana Mo ɓen wonɓe ka kammuuli e ka leydi, naange ngen e lewru ndun, koode ɗen e pelle ɗen, e leɗɗe ɗen e daabeeji ɗin e ko ɗuuɗi e yimɓe ɓen? Ko ɗuuɗi kon, lepte ɗen wajibike e mun. Kala mo Alla hoyni, haray teddinoowo mo alaa.

[Al-Hajj: 18].

Allah tagir en fii rewugol Mo, O ndaara ko haa honto darantoɗen ɗum. Kala rewuɗo Allah, O yiɗi Mo, O yaŋkinanii Mo, O ɗoftii yamaruyeeji Makko ɗin, O pottitii haɗaaɗi Makko ɗin o heɓay welayee Makko, e yurmeende Makko, e giggol Makko, O warjora mo njoɓdi labaandi.

Kala non saliiɗo rewugol Allah taguɗo mo arsiki mo On, o townitanii ɗum, o salii jebbilanaade yamaruyeeji Makko ɗin, o pottitoo haɗaaɗi Makko ɗin haray o wonii e tikkere Allah e lepte Makko muusuɗe. Tawde Allah tagiraali en fijindaaru, O addiraali en ɗoo nii tun. Hino jeyaa e majjuɓe komiɗi, yimɓe sikkooɓe wonnde moƴƴere aduna nden -wano nanɗe e gite e haqqil – ko yawtinirɗi tun aduna, refti ontigi waaloo maaya. Ontigi ronka anndude ko addi mo e oo aduna, e ko honto o fokkiti? Allah daali:

E on sikku wonnde ko fjirde Men tagiri on, hara on ruttetaake ka Amen gaa?

[Al-Mu’minuun :155].

Fotataa ka Makko, gomɗinɗo Mo, hoolori Mo, ñaawinora Mo, yiɗa Mo, yaŋkinanoo Mo, ɓaɗtora Mo dewe, waɗa ko welata Mo e kala huunde e on yeddoowo Mo Kanko taguɗo mo On, mbaadini Mo, o wonta e feenugol maandeeji e diina Makko, o saloo yankinanagol Mo.

Arano on heɓiray Mo teddungal, e mbarjaari, e giggol, e welayee; oya on hawra e tikkere e lepte.

Ɗum ko tuma Allah immintinoyta yimɓe ɓen e genaale maɓɓe, O warjora moƴƴimɓe ɓen e maɓɓe neema e teddungal ka nder Aljannaaji, O leptiroya bonnuɓe townitaniiɓe rewugol Mo ɓen ka nder Yiite.

Hiɗa gasa miijaade mawnugol teddungal e mbarjaari moƴƴimɓe ɓen, tuma tawata ko Allah galo On warjotooɓe teddinira ɓe yurmeende e ngalu Makko ngu lannataa, wanaa goɗɗo goo. Nden moƴƴere ko hattunde toowude neema mo lannataaa (ko ɗum areten yewtude fii mun).

Miijii kadi no lepte ɗen tiiɗiroyta e yedduɓe ɓen, tuma tawata Allah mawɗo toownitiiɗo On woni ko leptoyta ɓen.

About The Author