Haray ko ɗum woni diina Islaamu, feññin ka bajjinɗingol Alllah. Hika anndiree: “La ilaha illa Allah”. Ko ɗum woni diina Islaamu ka Allah welanaa jeyaaɓe Makko ɓen diina.

Hannde timminan Mi on diina mon kan, Mi timminii e dow mooɗon neemaaji Am ɗin, Mi welanaama on Lislaamu on diina.

(Al Maa’ida : 3).

Ko ɗum woni diina Islaamu mo Allah jaɓantaa gooto si wanaa kaa ɗoo.

Kala ɗaɓɓuɗo ko woori Lislaamu on diina, o jaɓaŋtaake ɗum, on ɗon ka laakara, ko o jeyaaɗo e hayruɓe ɓen.

(Al Imraan: 85)

Ko ɗum woni diina Islaamu, mo tawata gomɗinɗo mo woo, o golli golle moƴƴe, on ɗon jeyete e malooɓe ɓen ka Aljannaji neema.

Pellet, ɓen gomɗimɓe ɓe golli moƴƴi ɗin, laatanto ɓe Aljannaaji firdawsi werde.

Ko ɓe duumotooɓe nder ton, ɓe ɗaɓɓataa gaayi makko waylitorde.

(Al Kahf: 107-108).

Ko ɗum woni diina Islaamu. Wanaa ko woɗɓe tun heertorta, kala gomɗinɗo, o noddi yime ɓen e mun, ko on ɓuri hanndude e makka, ko on kadi ɓuri teddude ka Allah.

Pellet, ɓurɓe teddude e mon ɓen ka Allah, ko ɓurɓe gomɗude ɓen e mon.

(Al Hujraat: 13).

Heddii yo en finndinir janngoowo tedduɗo on, toɓɓe himmuɗe, wonɗe fslaade yimɓe ɓen naaugol e kaa diina, ɗen woni:

1- Ko majjeede fiɓnde e sari’a e neediiji Islaamu ɗin : hino anndaa non yimɓe ɓen ko anyɓe ko ɓe majjaa kon. Ko ɗum waɗi si tawii kala himmirɗo Islaamu on hino haani ka janngata, o jannga, o jannga kadi, refti o jannga haa o annda ɓullitirɗe diina asli kan. O janngira fii waasde heedande hay gooto nundudi wiɗagol ɗaɓɓita goonga kan.

2- Ko haɓɓitagol e diina maa aada maa pine ɗe neɗɗo on mawni e mun, ko aldaa woo e taskagol, luggina miijo, annda si ko o woni e mun kon no selli. O wona ɗon e haɓɓitagol e naamuuji, o saloo kala diina ko wanaa diina mawɓe ɓen. ɗum muurna gite sukka noppi, udda hakkille hara ontigi daɓɓataa senndugol hakkunde niɓe e annoora.

3- ko mbeleeɗe e tuuyooji woni ɗin : ɗin kadi jogitoto miijo e muuyeede ngon haa ngo murta o yirba, neɗɗo on salora goonga e jebbilaare nden no o anndiraa.

4- palje e ooñanɗe juulɓe goo, dammbayɓe penaale e diina Islaamu ɓen : hara non Islaamu no daɗndii e ɗum. Yo fow anndu wonnde Islmaau lamnditortaake ooñanɗe yimɓe ɓen.

Hino jeyaa e ɗate ɓurɗe newaade anndugol goonga kan, nde neɗɗo on fewtinirta ɓernde makko nden e Allah, o ruttoo e Makko, o toroo mo feewugol e laawol focciingol ngol, e diina ñiiɓuka kan, diina ka Allah welaa kan, o toroo heɓugol nguurndam newii ɗam, e maloore duumotoonde, nde malkiseede aratahj caggal mayre. O fellita wonnde Allah jaabinanay mo, si wonii o torike Mo. Allah daali:

Si jeyaaɓe Am ɓen lamndike ma fii An, haray ko Mi ɓadiiɗo. Miɗo jaabina toraare torotooɗo, si o torike Lam. Yo ɓe nooto Lam, ɓe gomɗina Lam. Belajo’o ko ɓe feewoya.

(Al-Baqarah: 186).

Nde timmirii yettude Allah.

About The Author