Annabi Ibraahiim
Refti ɓaawo ɗum, Allah immini Iraahiima haa e yimɓe mun ɓen, ɓaawo nde ɓe majji ɓe watti rewude koode e sanamu. Allah daali:
Gomɗii Men okkii Ibraahiima peewal makko ngal ko adii, Men laatii Annduɓe mo.
Tuma nde o maakannoo baaba makko e yimɓe mun ɓen: “Ko honɗum woni ɗii nanndonlaaji ɗi ufiniɗon e [dewal] mun?”
Ɓe wi’i: “Men taw baabiraaɓe amen ɓen no rewde ɗi”.
O maaki: “Gomɗii onon e baabiraaɓe mon ɓen on wonii e nder majjere ɓanngunde”.
Ɓe wi’i: “Enee, ko Goonga kan addanɗaa men, kaa ko e fijooɓe ɓen jeyaɗaa?”
O maaki: “Ko woni kon, Joomi mon ko Jooma kammuuli ɗin e leydi ndin On Taguɗoɗi, min ko mi jeyaaɗo e seediiɓe ɓen”.
Mi woodirii Allah, maa mi fewjan fii ɗii sanamuuji mon ɓaawo nde on huccitude ko on ruŋii ɓe.
O waɗi ɗi kunte kunte, si wanaa mawndu majji ndun, belajo’o ɓe ruttoto e mayru.
Ɓe wi’i: “Ko hommbo waɗi ɗum e reweteeɗi amen ɗin? Pellet, oo ko o jeyaaɗo e tooñuɓe ɓen.
Ɓe wi’i: “Men naniino suka no jaŋtoo ɗi himo wi’eaa Ibraahiima”.(
Ɓe wi’i: “Addee mo yeeso gite yimɓe ɓen, belajo’o ɓe seedoto”.
Ɓe wi’i: “Enee, ko an Ibraahiima waɗi ɗum e reweteeɗi amen ɗin?”
O maaki: “Ko woni, ko mawnundu majji ndun golle ɗum, lanndeeɗi si tawii hiɗi wowla”.
Ɓe ruttii e wonkiiji maɓɓe ɗin, ɓe wi’i: “Pellet, ko onon woni tooñuɓe ɓen”.
Refti ɓe uggini ko’e maɓɓe ɗen [ɓe wi’i:] gomɗii hiɗa anndi ɗi’i wonaa wowlayɗi.
O maaki: “Enee, on reway gaanin Allah ko nafataa on hay e huunde lorrataa on kadi?”
Bis mo’on e kon ko rewoton gaanin Allah. E on haqqiltaa?
Ɓe wi’i: “Sunnee mo, wallon reweteeɗi mon ɗin si tawii ko on gollooɓe”.
Men daali: “Ko an yo yiite, wonu ɓuuɓol e kisiyee e dow Ibraahiima”.
Ɓe faandanii mo pewje, Men waɗi ɓe hayruɓe ɓen.
[Al-Anbi’aa: 50-70].
Reti Annabi Ibraahiima feridi e geɗal makko on Ismaa’iila, ɓe iwi Falastiin ɓe fewri Makkah. Allah yamiri ɓe diidugol suudu Kaaba ndun. O noddi yimɓe ɓen arugol hajja rewa Allah e mayru.
men ahodi e Ibraahiima e Ismaa’iila wonnde laɓɓinanee Suudu Am ndun : wanngotoɓe ɓen, e ufinotooɓe ɓen, e ruƴƴooɓe sujja ɓen.
[Al-Baqarah: 125].
About The Author
